“Bellingham mund të bëhet lojtari më i mirë anglez”, legjenda me parashikim të ‘frikshëm’ për mesfushorin e Real Madridit

Ish-mbrojtësi i Manchester Unitedit, Gary Neville ka ofruar një parashikim të guximshëm për të ardhmen e yllit të Real Madridit, Jude Bellingham.

Neville ofroi pikëpamjen e tij për fillimin e karrierës së Bellingham në Madrid, si pjesë e një interviste të gjerë me gazetën Marca, e cila u fokusua gjithashtu në periudhën e tij katastrofike në krye të Valencias në La Liga .

48-vjeçari pranoi se shansi për të bërë lëvizjen në Estadio Mestalla ishte një sfidë shumë joshëse për ta refuzuar, por pohoi se pas vështrimit prapa, pasi fitoi vetëm tre ndeshje në ligë, puna ishte e tepërt për të.

Megjithatë, parashikimi i tij për Bellingham ishte shumë më pozitiv, me ish-yllin e Borussia Dortmundit që u ‘prezantua’ në kryeqytetin spanjoll me një fillim mbresëlënës prej gjashtë golave ​​në shtatë ndeshjet e tij të para.

Bellingham është tashmë një lojtar vendimtar me Anglinë dhe Neville beson se nëse trajektorja e tij aktuale ruhet, ai mund të bëhet lojtari më i madh i të gjitha kohërave për ekipin kombëtar.

“Nëse Bellingham vazhdon kështu, ai mund të bëhet futbollisti më i mirë anglez i të gjitha kohërave”, ka thënë fillimisht Neville.

“Ai është jashtëzakonisht i talentuar dhe ka një temperament të shkëlqyer. Ai gjithmonë parashikon atë që do të ndodhë më pas”.

“Fillimi i tij i sezonit me Real Madridin dhe Anglinë flet për një lojtar në një nivel tjetër. Ai është i mirë për tu parë”, përfundoi legjenda angleze. /Telegrafi/