“Mobilizim, përballje. Ta harrojnë që do më mposhtin”
Riorganizimi i Partisë Demokratike dhe vijimi i aksionit opozitar pas arrestimit të tij ishte kryefjala e Këshillit Kombëtar, ku përpara anëtarëve të këtij forumi, Sali Berisha kërkoi angazhim maksimal në betejën pa kthim të nisur për rrëzimin e qeverisë dhe kryeministrit Rama.
Sali Berisha: O sot, o kurrë të zgjojmë luanin, mobilizim dhe mosbindje.
Në betejën e radhës tha se përballë nuk do të ketë vetëm drejtësinë e kapur nga Kryeministri, por edhe opozitën fasadë të Lulzim Bashës, që sipas tij, në 27 Dhjetor tenton t’i marrë logon e partisë që themeloi vetë 33 vite më parë.
Sali Berisha: Ai është peng i Edi Ramës.Në 27 Dhjetor do mbrojmë logon dhëmb për dhëmb.
Teksa fati i tij do të përcaktohet mesditën e 26 Dhjetorit, të fundit paralajmërim ia dha edhe kryeministrit Rama, që tha se qëndron pas arrestimit të tij.
Sali Berisha: Edhe në Hënë po të më çojnë, unë do gjej mënyrën për të bërë opozitë dhe do qëndroj për të vërtetën.
Të njëjtin mesazh adresoi edhe ndaj prokurorëve e gjyqtarëve të SPAK-ut.
Sali Berisha: Para se të përsërisni këtë gënjeshtër dhe këtë akuzë për Sali Berishën, kontrolloni xhepat tuaj.
I ashpër ishte edhe me partnerët ndërkombëtarë.
Sali Berisha: Duke denoncuar Vuçiçin dhe duke injoruar batërdinë zgjedhore të argatit të Vuçiçit, ju vetëm nxitët me këtë standard regjimin e narko-shtetit në Shqipëri.
Këto akuza ish-kryeministri Berisha i ripërsëriti edhe gjatë një takimi që zhvilloi me Lidhjen Demokratike të Gruas./tvklan.al
Të ngjashme