Biden: Hamasi i frikësohet izraelitëve dhe palestinezëve që jetojnë krah për krah në paqe

Teksa në Katar vijojnë bisedimet për një zgjatje të mundshme të armëpushimit mes Izraelit dhe Hamasit Joe Biden ka thënë se lejimi i vazhdimit të konfliktit në Gaza “do t’i japë Hamasit atë që ata kërkojnë”.

Presidenti i SHBA tha se Hamasi filloi sulmet më 7 Tetor sepse i frikësohej “asgjëje më shumë se izraelitët dhe palestinezët që jetojnë krah për krah në paqe”, raporton BBC.

“Të vazhdosh rrugën e terrorit, dhunës, vrasjeve dhe luftës do të thotë t’i japësh Hamasit atë që ata kërkojnë,” tha ai në X, i njohur më parë si Twitter.

Postimi i tij në “X” shkaktoi konfuzion, me disa pyetje nëse Biden po sinjalizonte një zbutje të qëndrimit të SHBA-së ndaj konfliktit.

Biden ka kundërshtuar më parë një armëpushim, duke thënë se ai nuk do të sillte paqe mes Izraelit dhe Hamasit.

“Për sa kohë që Hamasi i përmbahet ideologjisë së tij të shkatërrimit, një armëpushim nuk është paqe,” shkroi ai në një artikull të opinionit të Washington Post në fillim të këtij muaji.

Por një zyrtar i lartë nga administrata e Biden tha për Jeëish Insider se reagimi i tij “nuk ishte një ndryshim në politikë”, duke shtuar se ai erdhi nga një fjalim më i gjatë që ai mbajti javën e kaluar.

“Ai donte të thoshte se ne nuk mund të humbasim shpresën për paqen, në fund të fundit, në rajon, se është ende tepër e rëndësishme që ne të vazhdojmë të hedhim bazat dhe të krijojmë kushtet për një paqe të qëndrueshme dhe që përfshin një zgjidhje për dy shtetet”, tha zyrtari./tvklan.al

Të ngjashme