Biden njoftoi tërheqjen nga gara, reagon Trump: Presidenti më i keq në historinë e Amerikës

Në një telefonatë me CNN, pak minuta pasi presidenti Joe Biden njoftoi largimin e tij nga gara presidenciale e 2024-ës, ish-presidenti Donald Trump e përshkroi Bidenin duke e cilësuar “si presidenti më i keq deri tani në historinë e vendit tonë”.

Ndërsa është e paqartë se kush do të jetë kandidati demokrat, Trump tha se mendon se zëvendëspresidentja Kamala Harris do të jetë më e lehtë për t’u mposhtur sesa Biden, në rast se ajo kandidon përballë tij.

Biden njoftoi tërheqjen nga gara për një mandat të dytë përballë Trump përmes një letre të publikuar në X, edhe pas presionit të madh nga vetë demokratët për shkak të paraqitjes së tij të keqe në debatin televizv me Donald Trump.