Bie vlera e Neymar, kartoni i futbollistit kap shifrën më të ulët

Në Ligën Profesioniste Saudite, futbollisti më me vlerë është Neymar. Braziliani ka një vlerë prej 45 milionë eurosh, 15 milionë euro më pak se sa kur nënshkroi verën e kaluar me klubin e Al Hilal. Por kjo shifër është gjithahtu më e ulët se sa kur ai u largua nga klubi brazilian i Santosit, raporton gazeta sportive spanjolle “AS”.

Dëmtimi që ylli brazilian ka pësuar, që e mban jashtë fushe mendohet se është shkak për këtë rënie të vlerës së kartonti të tij.

Por edhe futbollistë të tjerë si Mané, Firmino, Milinkovic-Savic, Fabinho, Carrasco dhe Firmino pas transferimit të tyre në Ligën Profesioniste Saudite kanë pësuar rënie të vlerës së tyre. Dy ish-lojtarët e Real Madridit, Cristiano Ronaldo dhe Benzema, vlerësohen nga 15 mln euro, aq sa edhe ishin kur u transferuar më herët.

Edhe lojtarët e rinj, si Gabri Veiga dhe Aimerik Laporte vazhdojnë të ruajnë vlerën e tyre. Arabia Saudite ka bërë investime të mëdha për të rritur vlerën e kampionatit në botë.

Në përfundim të merkatos së fundit, nga numri i madh i lojtarëve të afruar, kampionati vlerësohej 1.18 milardë euro sipas Transfermarkt.Por pas tre muajve, kjo shifër ka rënë me 16% dhe tani qëndron në 990 milionë euro.

Klan News

Të ngjashme