Boston Dynamic prezanton robotin e ri qen i cili shfaqet duke kërcyer

Në shikim të parë, kjo video duket si klip nga ndonjë film vizatimor.

Por, pamjet janë reale dhe shfaqin një robot të vërtetë.

Në video shihet qeni robot i Boston Dynamics, Spot, i veshur me të kaltër, ndërsa kërcen.

Bëhet e ditur se pamjet janë shpërndarë nga Boston Dynamics për të festuar Ditën Ndërkombëtare të Kërcimit.

Aty shihen dy qenë robotë të gjigantit teknologjik të cilët takohen dhe kërcejnë me njëri-tjetrin.

“Sparkles është një kostum i personalizuar i krijuar për Spot”, shpjegoi kompania.

Ndryshe, videoja vjen menjëherë pasi kompania ka prezantuar robotin e ri Atlas 2.0.

Ky version i ri mburret me aftësinë që e lejon të lëvizë në mënyra që trupi i njeriut nuk mundet.

Edhe pse kompania ende nuk e ka bërë të ditur çmimin për robotin e fundit humanoid, ai do të fillojë të prodhohet në fabrikat e Hyundai vitin e ardhshëm. /Telegrafi/