Breshëri plumbash ndaj efektivëve në Malësinë e Madhe, reagon policia: Po punojmë për të identifikuar autorët

Grupi i kontrollit të territorit i policisë vendorë në Shkodër është qëlluar me armë zjarri ditën e sotme.

Policia ka sqaruar se ngjarja është regjistruar rreth orës 10:00, në vendin e quajtur “Bjeshka e Parus”.

Lexo edhe :

Related Posts

Autorët ende nuk janë identifikuar.

“Shtetas ende të paidentifikuar kanë qëlluar në ajër, me armë zjarri, kur kanë parë shërbimet e Policisë të cilat po kryenin kontroll të territorit në njësinë administrative Shkrel, për parandalimin, evidentimin dhe goditjen e kultivimit të bimëve narkotike”, thuhet në njoftimin zyrtar.

Menjëherë në ndihmë të Policisë vendore janë nisur forcat operacionale të Drejtorisë Vendore të Policisë Shkodër dhe Forca e Posaçme “Shqiponja”, në drejtimin e Drejtorit të Drejtorisë Vendore të Policisë Shkodër.

Me urdhër të Drejtorit të Përgjithshëm të Policisë së Shtetit, po në ndihmë të Policisë vendore, u dëguan Forcat Kombëtare të Sigurisë Njësia Shkodër dhe grupe speciale të RENEA-s me helikopter.

Forcat operacionale në terren, përkundrejt asgjësimit dhe shkatërrimit të bimëve narkotike, vazhdojnë operacionin për lokalizimin dhe kapjen e autorëve të qëllimit me armë zjarri.

Ndërkohë grupi hetimor, në drejtimin e Prokurorisë, po vijon veprimet për sigurimin e provave me qëllim dokumentimin ligjor të rastit./vizionplus.tv