Bujqësia, mbështetëse e ekonomisë! Ekspertët: Gjatë këtij viti vëmendja tek informaliteti në turizëm

“Bujqësia mendoj nuk duhet të shihet më si sektor prioritar për sa kohë ajo po konsumon pjesë të buxhetit dhe nuk po jep rezultat. Pra, duhet parë në syrin e një sektori që bashkëvepron me turizmin të kthehet në rentabël për ekonomin shqiptare dhe për të ngritur mirëqenien e përgjithshëm të ekonomisë”, u shpreh Eduart Gjokutaj.

Ekspertët mendojnë se informaliteti në turizëm kërkon zgjidhje të menjëhershme në 2024-ën

“Ekonomia ka nevojë të riformatohet sa i përket sistemit, sepse shohim që ka probleme përsa i përket informaliteti. Nuk na e jep dot atë produkt si në rastin e turizmit ku edhe pse pati një bum, të ardhurat e ekonomisë formale që maten sihin të vogla”, tha Gjokutaj.

Ekspertët mendojnë se nevojitet një reformë strukturore e ekonomisë për tu fokusuar në sektorë si industria

“Është si dielli që shkëlqen po nuk të ngroh, nuk është ajo rritje që të shpërndahet si mirëqenie tek të gjithë sektorët e ekonomisë. Në tërësi industria është ajo që duhet të kishte marrë kryefjalën e ekonomisë dhe jo ndërtimit, që është një sektor që nuk ndërvepron me sektorët e tjerë dhe ngelet në vend kur nuk ka zhvillim ekonomik nga sektorët e tjerë. Kjo po jep ato efekte që nuk po përqendrohet në qasje të qëndrueshme”, u shpreh ndër të tjera Eduart Gjokutaj.

Top Channel