Çfarë thonë gazetat italiane për Osimhen pas golit dhe polemikave me Napolin

Il Corriere dello Sport vëren se ndeshja Napoli – Udinese mund të ishte ‘një fatkeqësi’ për Victor Osimhen, ndërsa La Gazzetta dello Sport raporton se ylli nigerian ‘nuk buzëqeshi kurrë’ por performanca e tij ishte ende pozitive.

Nigeriani shënoi një gol në fitoren 4-1 të Napolit ndaj Udineses të mërkurën mbrëma.

Të gjithë sytë ishin te sulmuesi pasi agjenti i tij Roberto Calenda kishte kërcënuar se do të ndërmerrte veprime ligjore kundër klubit për një video të TikTok të publikuar pas barazimit 0-0 të javës së kaluar kundër Bologna, në dukje duke tallur klientin e tij.

Osimhen filloi si titullar dhe shënoi kundër Udineses dhe lejoi shokun e tij të skuadrës Piotr Zielinski të ekzekutonte një penallti në pjesën e parë. Osimhen nuk e festoi golin e tij, por i shtrëngoi dorën Garcias kur ai u largua në pjesën e dytë.

Nigeriani mori vlerësime të larta nga gazetat sportive italiane sot (e enjte) në mëngjes edhe pse ai nuk ishte lojtari më i mirë në Stadio Maradona.

Mediat si La Gazzetta dello Sport, Tuttosport dhe Il Corriere dello Sport, të gjitha e vlerësuan Osimhen me notë 7.

🗞️ #Napoli–#Udinese, le pagelle degli azzurri: Natan convince, brilla Kvara e Osimhen… 👀https://t.co/ITE5xpnPuI

— Corriere dello Sport (@CorSport) September 28, 2023

Osimheni “pas tre ditëve të tmerrshme i kishte sytë e botës. Ai nuk buzëqeshi, por ishte gjithmonë në lojë”, shkruante gazeta rozë.

“Ai la goditjen e penalltisë për Zielinski, por u rikthye për të shënuar nga loja e hapur.”

“Ai nuk mori përgjegjësinë për penalltinë, por ishte mirë”, shtoi Il Corriere dello Sport.

“Mund të ishte një natë katastrofike, por përfundimisht ishte më se pozitive”, ishte një titull tjetër. /Telegrafi/