Declan Rice beson që Arsenali mund ta fitojë Ligën e Kampionëve, merr shembull Interin

Në një intervistë për FourFourTwo , Declan Rice ka folur për gjasat e Arsenalit që të triumfojë për herë të parë në histori të klubit në Ligën e Kampionëve.

Mesfushori ka marr shembull Interin se si arriti vitin e shkuar deri në finale, duke shtuar se çdo gjë është e mundur.

“Arsenali u afrua aq shumë në vitin 2006 [kundër Barcelonës], kështu që ta fitosh atë klubi duhet të jetë top”.

“Në futbollin e klubeve, Liga e Kampionëve është gjëja më e madhe në të cilën mund të luash. Një klub si Arsenali e meriton të jetë në Ligën e Kampionëve dhe mendoj se gjithçka mund të ndodhë”.

“Shikoni Interin sezonin e kaluar – ata shkuan deri në finale dhe askush nuk e priste këtë, kështu që mund të bëjmë një ecuri të madhe. Unë besoj se ne mund të konkurrojmë me më të mirët”, deklaroi Rice.

Topçinjtë nën drejtimin e Mikel Artetas kanë bërë një punë të madhe edhe këtë sezon që e kanë nisur mjaftë mirë. /Telegrafi/