Teksa jashtë Kuvendit ka nisur protesta e paralajmëruar nga kryedemokrati Sali Berisha, brenda në Kuvend situata është e njëjtë me atë të javëve të fundit. Garda është mbledhur rreth foltores, ndërsa deputetët e opozitës kanë grumbulluar aq karrige sa kanë mundur deri më tani.
Teksa seanca pritet të nisë në orën 10:00, ‘gardhi’ i punonjësve të Gardës është jashtë e brenda. Edhe policia ndodhet jashtë përballë protestuesve të mbledhur para Kuvendit.
Nuk munguan tensionet as në hyrje të Kuvendit. Deputetët e opozitës të përjashtuar me 10 ditë, nuk u lanë të futen brenda.
Në seancën e kësaj të hëne pritet të votohet për kërkesën e SPAK për imunitetin e Berishës.
Ish-kryeministri ndodhet aktualisht në sallën e Kuvendit./tvklan.al
Të ngjashme