Deshi te parandalojë vjedhjen e veturës, qëndroi i varur në derën e shoferit – hajni në Britani përplas pronarin e mjetit për muri

Ky është momenti rrëqethës kur hajni i veturës, përplas pronarit e mjetit për muri derisa qëndronte i varur në derë dhe tentonte të parandalonte vjedhjen.

Ngjarja e filmuar në Yorkshire të Britanisë së Madhe u kap nga kamerat e sigurisë, ku shihet pronari i veturës duke vrapuar në drejtim të mjetit të tij dhe hap derën me shpresën se do të kap hajnin, transmeton Telegrafi.

Megjithatë ky veprim i kushtoi shtrenjtë, pasi hajni filloi të lëvizë me shpejtësi mbrapa duke e përplasur pronarin e veturës për muri që nga goditja e fuqishme shembet edhe muri.

Por pronari i veturës mrekullisht arrin të ngritet në këmbë dhe të futet brenda shtëpisë, kurse hajni largohet me veturën e vjedhur.

Policia britanike ka pranuar se ka filluar hetimet, kurse deri më tani nuk është arrestuar ndonjë person i dyshuar për këtë vjedhje. /Teegrafi/