Drejtuesit marrin vendim për trajnerin Erik Ten Hag

Erik Ten Hag është kthyer në një figurë shumë kontroverse tek Mançester Junajtedi. Tekniku holandez ka qenë shpesh në qendër të vëmendjes për disa vendime të forta që ka marrë në krye të “Djajve të Kuq”. Ai i shpalli “luftë”, Kristiano Ronaldos, dhe në fund ylli portugez u largua nga “Old Trafford”.

Situata të ngjashme e kanë shoqëruar shpesh gjatë aventurës së tij, e fundit është çështja “Sanço”, teksa e ka dërguar sulmuesin tek ekipi i të rinjve.

Pavarësisht këtyre ngjarjeve, sigurisht rezultateve jo brilante, drejtuesit e “Djajve të Kuq” kanë shumë besim te Ten Hag, madje janë të gatshëm t’i ofrojnë një kontratë të re, pasi aktualja përfundon në 2025-ën.