“Edukatorja e quan ekzagjerim”/ Nëna e 3-vjeçarit të dhunuar në Kosovë: Rrahën edhe fëmijë të tjerë

Ajo u shpreh se i biri i kishte treguar mbi dhunën dhe se menjëherë e ëma I është drejtuar drejtoreshës së shkollës për t’i treguar mbi ngjarjen.

Sipas saj drejtoresha është treguar e gatshme për ta mbështetur ndërsa edukatoret e kanë mohuar ta kenë dhunuar madje i kanë thënë që po e ekzagjeron situatën.

Nëna e tre vjeçarit u shpreh se ky nuk është rasti I parë I dhunës në atë çerdhe dhe se I biri I kishte treguar se edukatoret kanë dhunuar edhe fëmijë të tjerë, ndaj sipas saj, situate mori përmasa të mëdha në mënyrë që një gjë e tillë të mos ndodhë më.

“E kam banesën shumë afër çerdhes. Unë si prind po dyshoj që nuk janë vetëm tre, mund të ketë edhe më shumë. Kuzhinierja nuk ka të drejtë të prekë fëmijën direkt më shkoi mendja që ishin edukatoret kur i pashë shenjat. Djali tregoi se flet shumë mirë tha më kanë rrahur mësueset. Takova drejtoreshën është shumë e mirë më tha asnjë fëmijë nuk mund të dhunohet. Djali im tani kur dëgjon të diskutojmë për këtë temë ik në dhomë. Drejtoresha u tregua e gatshme të më ndihmojë. Më tha që duhet të bëj një ankesë. Djali më tregoi që e ka rrahur mësuesja e vogël me flokë të bardha. Edukatoret nuk e pranuan njëra më tha nuk e njoh, tjetra më tha nuk e kemi dhunuar ndërsa tjetra më tha mos i ekzagjeroni gjërat. Këtë punë nuk e kam bërë vetëm për fëmijën tim por për të gjithë fëmijët pasi mund të jenë të dhunuar.”– tha ajo.

Top Channel