EMRAT/ Bllokuan foltoren, Komisioni i Etikës përjashton për 10 ditë nga Kuvendi 8 deputetë të opozitës

Komisioni i Etikës ka marrë vendimin për përjashtimin nga Kuvendi me 10 ditë të 8 deputetëve të opozitës të cilët bllokuan një ditë më parë foltoren e Kuvendit.

Gazetari Osman Stafa bën me dije për BalkanWeb se janë përjashtuar deputetët, Zheni Gjergjit; Asllan Dogjanit; Luan Baçi; Gazment Bardhit; Elda Hotit; Albana Vokshit; Bledion Nallbatit dhe Lefter Gështenjës.

Vendimi vjen pas kërkesës së një grupi deputetësh të mazhorancës.

Kujtojmë se një ditë më parë, deputetët bllokuan foltoren dhe podiumin e qeverisë, pas debatit për Reformën Zgjedhore, kur pozita refuzoi të votojë ndryshimet. Pas këtij momenti deputetët e opozitës rrethuan foltoren dhe podiumin e qeverisë, situatë kjo që ka bërë që të anulohet votimi.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb