EMRI-FOTO/ Futbolli shqiptar në zi, ndahet nga jeta ish-futbollisti dhe trajneri legjendar i Flamurtarit

Një tjetër lajm i trishtë vjen ga bota e sportit. Ditën e sotme është ndarë nga jeta ish-legjenda e klubit vlonjat, Skënder Brahimaj.

Ish-futbolisti dhe ish-trajneri i Vlorës u nda nga jeta në moshën 88-vjeçare.

Skënder Brahimaj u lind më 19 Shtator 1936 në Lepenicë të Vlorës. Në moshën 17 vjeçare nis karriera e tij futbollistile me ekipin e Flamurtarit.Në vitin 1962 shpallet nje nga 10 futbollistet më të mirë të Shqipërisë.

Karriera e tij futbollistike zgjati 13 vite. Më pas ai shërbeu si trajnier futbolli dhe mesues i edukimit fizik. Në mesin e viteve ‘80, Skënder Brahimaj emërohet trajnier i ekipit të Tepelenës. Ishte pikërisht aty ku ai zbuloi, përgatiti dhe ndihmoi në karrierën e tij, talentin Fotaq Strakosha.

Gjatë viteve  ‘90-2000, Skënder Brahimaj ka marrë në dorë drejtimin e ekipit te Flamurtarit, disa vite si trajnier e më pas edhe si shef i Klubit Flamurtari.

Profesor Skënder Brahimaj ka edukuar e përgatitur shumë breza futbollistësh të mirënjohur, si Uran Xhafa, Gëzim Troqe, Cane Ahmeti, Kreshnik Çipi e së fundmi Fotaq Strakosha.

Pasioni dhe përkushtimi për sportin e futbollit e ka kthyer Skënder Brahimaj në një nga legjendat e  këtij sporti, në qytetin e Vlorës dhe jo vetëm.

Përcjellia për në banesën e fundit bëhet nesër në ora 11, nga shtëpia e tij në lagjen Pavarësia, për në varrezat e Shërishtës.