Federata e Itallisë del me vendim zyrtar rreth Superligës Evropiane

Federata Italiane e Futbollit (FIGC) ka shfaqur qëndrim kundër propozimeve të një projekti të sapoformatuar të Superligës Evropiane në një deklaratë zyrtare pas vendimit të së enjtes nga Gjykata Evropiane e Drejtësisë.

GJED vendosi që FIFA dhe UEFA po ‘abuzojnë një pozicion dominues’ dhe se nuk janë në gjendje të sanksionojnë klubet dhe lojtarët e përfshirë në turne që nuk i organizojnë.

Menjëherë pas vendimit të së enjtes, u prezantua një version i sapoformatuar i Superligës, i cili do të përfshinte një sistem me tre nivele, si dhe ngritje dhe rënie.

Dy klube të Serie A, Roma dhe Inter, kanë lëshuar tashmë deklarata për këtë çështje. Giallorossët kanë mbajtur një qëndrim të fortë kundër Superligës, ndërsa Interi ka bërë thirrje për bashkëpunim mes FIFA-s, UEFA-s dhe ECA-s.

FIGC tani ka thënë fjalën e tyre, duke këmbëngulur se qëllimi i tyre është të mbrojnë ‘parimin e përgjithshëm të meritave sportive’ dhe ‘interesat më të mira të futbollit italian’.

“FIGC rithekson synimin e saj për të mbrojtur kampionatet kombëtare, për mbrojtjen e parimit të përgjithshëm të meritave sportive dhe respektimit të orareve ndërkombëtare”, thuhet në deklaratë.

“Pas vendimit të Gjykatës Evropiane të Drejtësisë për çështjen e Superligës, Federata Italiane e Futbollit, si anëtare e UEFA-s dhe FIFA-s, rithekson synimin e saj për të mbrojtur ligat kombëtare, për mbrojtjen e parimit të përgjithshëm të meritës dhe respektit sportiv për oraret ndërkombëtare.

“Për këto arsye, në përputhje me ligjet kombëtare dhe rregulloret ndërkombëtare, dhe duke vepruar në interesin më të mirë të futbollit italian, FIGC beson se Superliga është një projekt që nuk është në përputhje me këto kushte”, thuhet më tej në reagimin e tyre. /Telegrafi/

Il comunicato della #Figc contro la #Superlega pic.twitter.com/zKct52tqXa

— Giovanni Capuano (@capuanogio) December 21, 2023