Festat e fundvitit, “kaos” në akset që lidhen me Elbasanin, policia në gatishmëri

Përgjatë fundjavës, por edhe në ditët e para të këtij viti akset rrugore që lidhen me Elbasanin kanë qenë të mbingarkura për shkak të lëvizjes së qytetarëve në drejtim të jugut dhe juglindjes, duke krijuar në këtë mënyrë radhë kilometrike.

Për të lehtësuar trafikun kanë zbritur në terren të gjithë efektivët e Policisë Rrugore si dhe efektivëte forcave Shqiponja të Elbasanit.

Ndërkohë që ju bëhet thirrje drejtuesve të mjeteve që të respektojnë sinjalistikën dhe Korin Rrugor, në mënyrë që të shmanget jo vetëm trafiku por edhe aksidententet.

Njoftimi:

Shërbimet e Policisë Rrugore kanë rritur gatishmërinë 100% në terren, si dhe kanë shtuar vigjilencën, me qëllim menaxhimin e trafikut, për shkak të fluksit të mjeteve që kthehen në drejtim të Tiranës, si edhe ata që lëvizin në drejtim të Korçës dhe bregdetit, kryesisht në akset “Qafë thanë-Elbasan dhe “Rrogozhinë-Elbasan”.

Gjithashtu, në terren, në mbështetje të Policisë Rrugore janë të angazhuar edhe shërbimet e Rendit Publik dhe ato të forcës Shqiponja të DVP Elbasan, për sigurinë rrugore dhe për të garantuar se nuk do të ketë bllokim të lëvizjes.

Drejtuesit e automjeteve të moderojnë shpejtësinë, të tregojnë durim, të qëndrojnë në radhë dhe të mos kryejnë parakalime të gabuara, që të mos kthehen në burim për aksidente rrugore apo për bllokim të lëvizjes.

Qytetarët të respektojnë me rigorozitet rregullat e qarkullimit rrugor dhe të ndjekin udhëzimet e shërbimeve të Policisë.

Ftojmë qytetarët që të denoncojnë në numrin pa pagesë 112, çdo shkelje të rregullave të qarkullimit rrugor. 

#udhëtomejetënnëmendje 🛣️🚘

#zbatorregullat✅⚠️

#mbrojetën

#respektokëmbësorët 🚶🚸

#STOP❌shpejtësi❌alkool❌celular🚘

/Vizionplus.tv/