Ky kosh i shënuar në sekondën e fundit nga Memushi, i dha vajzave të Flamurtarit Kupën e Shqipërisë. Ekipi vlonjat mbrojti trofeun me rrezultatin e ngushtë 80-79.
Ndeshja finale me Partizanin kishte një rivalitet të lartë dhe ritëm që nga nisja. Në dy periodat e para është Partizani që luati më mirë, duke shkuar në pushim në avantazh 42- 36.
Rinisja e ndeshjes ishte me shumë emocione, ndërsa Flamurtari rikuperoi duke bërë që loja të luhet pikë për pikë. Perioda e tretë u mbyll në barazim 61-61.
Në 10 minutat e fundit u luajt gjithçka për gjithçka, me të dyja skuadrat që kërkuan fitoren. Në 30 sekondat e fundit, Partizani shënoi për tre pikë, duke udhëhequr 79-78.
Por në sekondat e fundit, Memushi tentoi, topi nuk përfundoi në kosh por në duart e rivaleve. Kapitenia e rrëmbeu dhe në përfundimin e kohës, shënoi pikën e fitores së trofeut.
Kupa e Shqipërisë në basketboll për femra u zhvillua për dy ditë në Vlorë, ndërsa në fund është Flamurtari që shpallet fitues.
Tv Klan
Të ngjashme