FOTO/ Vlora “mbulohet” nga uji, ministri Vengu jep përditësim mbi situatën pas reshjeve: Forcat e emergjencës në gatishmëri

1 month ago 39

Pas reshjeve të forta që goditën qytetin e Vlorës, Ministri i Mbrojtjes, Pirro Vengu, njoftoi se të gjitha strukturat e emergjencave civile kanë qenë të angazhuara në terren që prej pasdites së djeshme për të riparuar problemet e shkaktuara nga moti i keq. Ai theksoi se, falë punës intensive gjatë natës dhe ndërprerjes së reshjeve, situata ka filluar të përmirësohet.

462158817 122119241012473314 7086062756774819495 N

Aktualisht, forcat e emergjencës, përfshirë Bashkinë e Vlorës, UK Rajoni Vlorë, Drejtorinë Vendore të Policisë, OSHEE dhe Prefekturën, janë të përqendruara në zgjidhjen e problemeve në katër kryqëzime që ende mbeten të bllokuara në qytet.

Vlora ka qenë një nga qytetet më të prekura nga reshjet në 24 orët e fundit.

462100175 122119241030473314 8220926045630656322 N

Në mbështetje të strukturave lokale, janë angazhuar gjithashtu 24 efektivë të Forcave të Armatosura, të cilët po punojnë me pesë mjete transporti, tre mjete të kalueshmërisë së lartë dhe dy pompa thithëse. Ekipet po përpiqen të largojnë ujin nga blloqet e banesave në zona si Universiteti, rruga “Albano dhe Romina”, dyqanet e reja dhe Kisha Ortodokse. Prezencë uji është raportuar edhe brenda xhamisë së qytetit.

462272340 122119241060473314 6027560422558694012 N

Efektivët e Forcave të Armatosura janë duke punuar gjithashtu me dy pompa për të larguar ujin nga stacioni kryesor i pompimit, ku situata vazhdon të jetë problematike. Hidrovori i qytetit po operon me kapacitet të plotë, duke kontribuar në procesin e tërheqjes graduale të ujit.

462113601 122119240982473314 2485743974529620340 N

Sidoqoftë, situata ka sjellë edhe ndërlikime në furnizimin me energji elektrike, me disa blloqe banesash që janë lënë pa energji për shkak të pranisë së ujit në gabinat elektrike.