“Futbolli nuk funksionon kështu” – Klopp thotë se fokusi i Liverpoolit nuk do të jetë vetëm tek Haaland

Jurgen Klopp ka insistuar se Liverpooli nuk mund t’i mbajë shpresat vetëm tek Virgil Van Dijk për të neutralizuar Erling Haalandin, kur Manchester City do të vizitojë nesër (e diel) stadiumin mitik ‘Anfield’.

Përkundër ‘betejës’ së trajnerëve, tifozët janë të etur për të parë se si do të pëfundojë dueli mes Haaland i cili ka 29 gola të shënuar këtë sezon dhe shtatë në tri ndeshjet e fundit, dhe Van Dijk i cili do të udhëheqë mbrojtjen e “Të Kuqve”.

Por kur bie fjala tek City, Klopp beson se ata kanë shumë kualitet dhe shumë alternativa për t’u mbështetur.

“Futbolli nuk funksionon kështu më. Nëse Haaland nuk do të shënojë atëherë mirë, por ata kanë edhe lojtarë të tjerë që mund ta bëjnë këtë”, ka thënë fillimisht Guardiola.

“Nëse Van Dijk është në gjendje që ta neutralizoj Haalandin atëherë Foden do ta godasë topin nga 30 metra në cep të portës, ose Kevin De Bruyne do të bëjë saktësisht të njëjtën, ose Rodri, apo Bernardo Silva”.

“Unë nuk mendoj për asnjë sekondë ashtu, se Haaland dhe Van Dijk po luajnë ndaj njëri-tjetrit. Po, ka momente që definitivisht do të ndodhë, 100 për qind, dhe shpresoj se do të përfundojë në të mirën tonë, por futbolli ka të bëjë me shumë aspekte”.

“Kur shikoni lëvizjet e Erling Haaland e kuptoni se ai është i jashtëzakonshëm për ta vendosur veten në një pozicion të favorshëm për gol”, përfundoi Klopp./Telegrafi/