Gara për Shtëpinë e Bardhë, Biden: Mund të mos kandidoja nëse s’do isha kundër Trump

Presidenti amerikan Joe Biden tha të martën se ai mund të mos garonte në zgjedhjet presidenciale të 2024-ës nëse nuk do të përballej me Donald Trump, pasi sipas tij republikani përbën një kërcënim unik për Shtetet e Bashkuara.

“Nëse Trump nuk do të kandidonte, nuk jam i sigurt se do të kandidoja,” tha Biden në një event për mbledhjen e fondeve për fushatën e tij. “Nuk mund ta lëmë të fitojë”, theksoi ai.

Biden, duke kërkuar një mandat të dytë katërvjeçar në zgjedhjet e vitit të ardhshëm, më vonë u tha gazetarëve në Shtëpinë e Bardhë se ai nuk do të tërhiqej nga gara.

Gjatë fushatës së tij në 2020, Biden shpesh përmendi se vendimi i tij për të kandiduar ishte pjesërisht për shkak të trajtimit të çështjeve të Presidentit të atëhershëm Trump.