Gjendet i vdekur aleati i Vladimir Putinit

Vladimir Egorov, aleat i presidentit rus Vladimir Putin, u gjet i vdekur të mërkurën, sipas mediave shtetërore ruse.

Përfaqësuesi i Dumës së qytetit Tobolsk Egorov (46), anëtar i partisë në pushtet të Putinit, “Rusia e Bashkuar”, ra nga dritarja e katit të tretë të një shtëpie në rrugën Kedrovaya në Tobolsk, Tyumen Oblast, raporton newsweek.

Gazeta e përditshme ruse, Izvestia citoi gjithashtu një burim të thoshte se Egorov mund të ketë rënë nga një dritare e katit të tretë.

Someone upset #Putin?

A councillor from the Tsar's "United Russia" party for some reason decided to "fall out of a window" in #Tobolsk.

Vladimir Egorov was just 46. His body was discovered earlier today. pic.twitter.com/svslsk5p7b

— Tim White (@TWMCLtd) December 27, 2023

Kjo është e fundit në një varg vdekjesh misterioze që përfshijnë figura të shquara ruse që kur forcat e presidentit rus, Vladimir Putin pushtuan Ukrainën.

Botimi rus 72.ru citoi një dëshmitar okular të thoshte se Egorov ra nga dritarja e katit të tretë dhe një tjetër të thoshte se kishte “probleme me zemrën”. Mësohet se do të kryhet autopsia për të përcaktuar shkakun e vdekjes.

Shërbimi për shtyp i Drejtorisë së Hetimit për rajonin e Tyumenit i tha agjencisë shtetërore ruse të lajmeve RIA Novosti se hetuesit “po hetojnë të gjitha rrethanat e incidentit”.

Vitin e kaluar, Egorov u bë një nga përfaqësuesit më të pasur në Tobolsk, me të ardhura prej 9.1 milionë rubla (rreth 100,500 dollarë). Në vitin 2016, ai u dënua me punë në dobi të komunitetit për mos pagesë të qirasë nga një biznesmen pasi i kishte dhënë me qira tokën komunale. /Telegrafi/