Instituti për Studimin e Luftës thotë se ditëve të fundit janë rritur dukshëm humbjet ruse në luftë

Instituti për Studimin e Luftës (ISW), thekson se ditëve të fundit janë rritur dukshëm humbjet ruse në pjesën perëndimore të Zaporizhzhia.

Gjithashtu thuhet se ushtria ruse me gjasë po lufton me mungesën e njësive të disponueshme luftarake-efektive, që komanda ruse është e gatshme t’i ridislokojë në këtë sektor të frontit, transmeton Telegrafi.

Nga ISË është bërë e ditur se burimet ruse dhe ukrainase ia atribuojnë përparimet e fundit ukrainase në jug të Bakhmutit, koordinimit të lartë luftarak, zjarrit më të saktë të artilerisë dhe sisteme më të forta të luftës elektronike.

Pra me marrjen e armëve moderne nga vendet perëndimore, rrjedha e luftës në Ukrainë ka ndryshuar dukshëm dhe ata dita-ditës po arrijnë të çlirojnë fshatra e qytete që dikur ishin nën kontrollin e rusëve.

Në anën tjetër, presidenti ukrainas Volodymyr Zelensky, që nga fillimi i pushtimit rus ka theksuar nevojën për sa më shumë armë, me qëllim që të arrijnë të mbrohen nga agresioni rus. /Telegrafi/