Interi i tregon dhëmbët Napolit, fitore bindëse si mysafir për pozitën e parë

Interiu ka fituar si mysafir i Napolit me rezultat 3-0 në kuadër të javës së 14-të të Serie A.   

Interi e nisi mirë takimin, duke shënuar me Marcus Thuram, por goli i tij u anulua nga VAR.

Napoli rrezikoi me Frank Anguissan dhe Matteo Politanon, por pa sukses, ndërsa Interi kishte rast me Lautaro Martinezin.

Ndeshja u zhbllokua në minutën e 44-të, me Hakan Calhanoglu që gjeti rrjetën me një goditje të bukur nga distanca.

Che staffilata di Hakan! pic.twitter.com/PJyDpVJtDF

— Alessandro (@90ordnasselA) December 3, 2023

Napolitanët kishin raste për barazim, me Victor Osimhen dhe Khvicha Kvaratshelia, por Yann Sommer ishte në vend.

Në minutën e 62-të, Lautaro Martinez asistoi te Nicolo Barella i cili shënoi gol të bukur për 2-0.

Fenomenale Barella.
What a Player!
pic.twitter.com/jRP85fW1Zn

— Alessandro (@90ordnasselA) December 3, 2023

Vulën përfundimtare fituesit të këtij takimi ia dha Marcus Thuram, që shënoi për 3-0.

Interi me këtë fitore mbetet lider me 35 pikë, ndërsa Juventusi është i dyti me dy më pak. Napoli bie në pozitën e pestë me 24 pikë. /Telegrafi/