Inzaghi do të refuzojë gjigantin e Ligës Premier për të qëndruar te Interi

Drejtuesit e Liverpoolit thuhet se po ndjekin trajnerin e Interit, Simone Inzaghi, por 47-vjeçari nuk është i gatshëm të largohet nga Giuseppe Meazza për arsye personale dhe profesionale.

Gazzetta dello Sport konfirmon se Liverpooli po konsideron Inzaghin si zëvendësues të mundshëm të Jurgen Klopp sezonin e ardhshëm.

Gjithë ky interesim vjen pasi Interi i Inzaghit po dominon Serien A këtë sezon duke shijuar një epërsi prej 15 pikësh ndaj Juventusit në krye të tabelës.

Inzaghi ka fituar pesë trofe gjatë periudhës së tij dyvjeçare e gjysmë në Giuseppe Meazza, kështu që interesimi i Liverpool për ish-sulmuesin italian nuk është befasues.

Mediumi italian raporton se rezultatet dhe stili i lojës së Interit i kanë tërhequr Redsat, por Inzaghi nuk është i gatshëm të largohet nga Nerazzurrët në fund të sezonit.

Kontrata e tij skadon në vitin 2025, por Interi pritet t’i ofrojë atij një marrëveshje të re dyvjeçare në fund të sezonit.

La Gazzetta dello Sport confirms Liverpool directors are watching Inter coach Simone Inzaghi, but the 47-year-old is unwilling to leave the Stadio Meazza for personal and professional reasons. https://t.co/7G8IrKMyg6 #FCIM #Inter #Inzaghi #Calcio #LFC

— Football Italia (@footballitalia) March 6, 2024

Sipas Gazzetta dello Sport, Inzaghi është i vetëdijshëm se projekti afatgjatë i klubit do t’i lejojë atij të fitojë më shumë trofe në të ardhmen e afërt.

Interi ka siguruar tashmë marrëveshje për të nënshkruar Mehdi Taremin dhe Piotr Zielinski falas në qershor, dhe Inzaghi dhe familja e tij janë të lumtur në Milano.

Kështu, Liverpooli do të detyrohet të kërkojë diku tjetër zëvendësuesin e Klopp. /Telegrafi/