2 months ago
15
Gjatë ditës së sotme Ministrja e Drejtësisë, Albulena Haxhiu ka reaguar pas raportimeve për vrasjen e Faton Hajrizit, i dyshuar për vrasjen e një polici serb, dhe plagosjen e një tjetri.
Haxhiu përmes një reagimi në rrjetin social Facebook hodhi disa dyshime mbi atë se nëse vërtet është vrarë Faton Hajrizi, kjo për arsyje sepse informacionet gjatë ditëve të fundit janë kundërthënëese.
Po ashtu, ministrja dënoi aktin e vrasjes se policit serb, derisa shtoi se aktet e ikjes së disa personave me precedent penal.
E në lidhje me këtë temë në një prononcim për “Bota sot”, ka folur ish-komandanti Hafir Hoxha.
Ai fillon me një kronologji të ngjarjes duke i vënë theks dënimit që ka marrë Hajrizi kur ka kryer vrasjen sa ka qenë i mitur.
Hafir Hoxha
“Ky djalosh kur ka bërë vrasjen e ushtarit rus është gjykuar dhe dënuar sikur i rritur,”, shprehet Hoxha.
Sipas tij, insitutcionet e drejtësisë do të duhej të bënin një marrëveshje me Hajrizin për të ndaluar këto veprime të tij.
“Me Faton Hajrizin dhe rastet e ngjashme kanë bërë gabime të gjitha qeveritë që nga viti 2000. Ky djalosh kur ka bërë vrasjen e ushtarit rus është gjykuar dhe dënuar sikur i rritur, kurse është dasht të trajtohet ndryshe në qendrat rehabilituese. Vrasësi masiv i 8 fëmijeve vitin e kaluar në shkolla në Serbi nuk është gjykuar dhe dënuar njejtë sikur Fatoni atë kohë për një vrasje.
Sidoqoftë Fatoni rregullisht ka qenë i zëshëm në burg prandaj askush nuk mundet të më bindë se kanë punuar mjaftë dhe se duhet që të socializohet dhe mos të shtyhet në hapat që i ndërmori deri tek arratisja e fundit e ti dhe veprimet tjera drastike që ndodhën këto ditë.
Një rrugë me marrëveshje gjithnjë ekziston e sidomos në këtë rast kur fortë mirë shteti ishte dashtë ta njohin karakterin e Fatonit pasi shteti e ka rritë atë në burg”, u shpreh ai.
Më tej, ish-komandanti ka disa kritika për sistemin e drejtësisë në Kosovë.
“Po të i kishim ne institucionet e drejtësisë dhe të gjitha institucionet tjera në nivel të detyrës dhe profesionit, po të funksiononte Gjykata e pavarur, policia, burgjet etj, pa ndikim politik në ato institucione ne nuk do të i kishim sot udhëheqësit e UÇK-së atje në Hagë por do të kishim gjykuar dhe trajtuar ato çështje këtu në vendin tonë.
Por vet disa “Komandantë e politikanë” u sollën mbi ligjin , u sollën sikur të ishte shteti i Kosovës vend privat e tyre dhe këto u lidhën me korrupsionin e logjike që kjo pastaj lidhet edhe në krime të ndryshme prandaj e kemi sistemin e drejtësisë të infektuar ne “me kancer politik” dhe kjo kërkon shumë punë dhe kohë me u shëru që të forcojmë shtetin dhe gjykatat, drejtësia të jenë profesionale pa ndikim politik, grupor, klanorë por plotësishtë të pavarura , deri të ndodhë kjo do të luhet ping-pongë me akuza për drejtësinë në vend”, përfundoi Hoxha për “Bota sot”.
English (US) ·