ISW: Izraeli në fazat e fundit të operacioneve në veri të Gazës

Izraeli duket se është “në fazat e fundit” të operacionit në Gazën veriore, ka njoftuar Instituti amerikan për Studimin e Luftës.

Grupi i ekspertëve me bazë në SHBA, citoi raportimet që sugjeronin se brigada veriore e Hamasit ishte degraduar gati tërësisht dhe se një mori luftëtarësh ishin dorëzuar javëve të fundit.

“IDF raportoi më 19 dhjetor se “çmontoi” plotësisht tre batalionet e Hamasit që vepronin në Jabalia”, pohoi ISW, raporton skynews.

#Israel–#Hamas War Update, Dec. 19, 2023: Israel has degraded Hamas’ North Gaza Brigade, which is consistent w/ CTP-ISW's observation that Israel appears to be nearing the final stages of its clearing operation in the northern #Gaza Strip.

Full report: https://t.co/HG6aKFbPln pic.twitter.com/YGJDT7nM9Q

— Institute for the Study of War (@TheStudyofWar) December 20, 2023

“Rreth 500 luftëtarë të dyshuar palestinezë u dorëzuan te forcat izraelite në kampin e refugjatëve Jabalia, disa prej të cilëve i përkasin Hamasit dhe Xhihadit Islamik Palestinez”, shtuan ata.

Ushtria izraelite nisi operacionet e para në Jabalia në mes të muajit nëntor dhe që atëherë ka ofruar rregullisht përditësime rreth betejave.

Ndryshe, gjatë pauzës së parë humanitare, e cila zgjati një javë, u liruan dhjetëra pengje izraelite dhe të burgosur palestinezë. /Telegrafi/