Italia publikon listën paraprake përpara Euro 2024, Spalletti me disa befasi

Luciano Spalletti ka shpallur zyrtarisht skuadrën e tij preliminare prej 30 lojtarësh të Italisë përpara Kampionatit Evropian “Gjermani 2024”.

Azzurrët po përgatiten për një turne shumë të rëndësishëm në Gjermani, duke hyrë si kampionë në fuqi pas suksesit të tyre historik në edicionin e fundit në verën e vitit 2021.

Spalletti filloi një projekt të ri me kombëtaren e Italisë me ardhjen e tij në shtator të vitit të kaluar, duke emocionuar tifozët me formacionin e tij sulmues 4-3-3.

Shpresat janë të mëdha për Azzurrët, veçanërisht pas dështimit të tyre të fundit për t’u kualifikuar në Kupën e Botës 2022.

Trajneri italian ka vendosur tani skuadrën e tij preliminare prej 30 lojtarësh, ku katër lojtarë do të duhet të largohen kur të publikohet lista përfundimtare.

Azzurrët do të luajnë dy miqësore përpara Euro 2024, përballë Turqisë më 4 qershor dhe Bosnjës më 9 qershor.

𝑵𝒂𝒛𝒊𝒐𝒏𝒂𝒍𝒆 🇮🇹

La lista dei 3️⃣0️⃣ convocati del Ct Luciano #Spalletti per il raduno in programma il 31 Maggio a #Coverciano in vista di #EURO2024 💙

▶️ https://t.co/pJf2RwuvNT#Nazionale #Azzurri #VivoAzzurro pic.twitter.com/PlUNRLky0I

— Nazionale Italiana ⭐️⭐️⭐️⭐️ (@Azzurri) May 23, 2024

Portierë: Donnarumma (PSG), Vicario (Tottenham), Meret (Napoli), Provedel (Lazio);

Mbrojtës: Acerbi (Inter), Bastoni (Inter), Darmian (Inter), Scalvini (Atalanta), Buongiorno (Torino), Mancini (Roma), Calafiori (Bologna), Di Lorenzo (Napoli), Bellanova (Torino), Dimarco (Inter), Cambiaso (Juventus);

Mesfushorët: Barella (Inter), Frattesi (Inter), Cristante (Roma), Pellegrini (Roma), Fagioli (Juventus), Jorginho (Arsenal), Ricci (Torino), Folorunsho (Hellas Verona);

Sulmues: Chiesa (Juventus), Raspadori (Napoli), Retegui (Genoa), Scamacca (Atalanta), Orsolini (Bologna), Zaccagni (Lazio), El Shaarawy (Roma).

/Telegrafi/