Jo vetëm paratë, Joshua ka një tjetër objektiv nëse e mposht Wallinin – lufta me një kampion

Ish-kampioni i botës në peshën e rëndë, Anthony Joshua, do të zbarkojë sonte në Kingdom Arena në Riad të Arabisë Saudite.

Në atë që premton të jetë një ndeshje epike, Joshua do të përballet me Otto Wallin në 12 raunde, me shpresën për të vendosur veten për një mundësi tjetër për titull kundër Tyson Fury ose Oleksandr Usyk.

Kjo mbrëmje mbledh disa nga ish-kampionët më të arrirë të botës në peshën e rëndë.

Çfarë sjell fitorja?

Nëse Anthony Joshua kalon Otto Wallin në këtë përballje dhe nëse Deontay Wilder fiton ndaj Joseph Parker në të njëjtën natë, kjo do të hapte mundësinë e një lufte midis këtyre dy ish-kampionëve të botës në mars të vitit të ardhshëm.

Kjo luftë është kërkuar nga tifozët dhe më në fund mund të bëhet realitet, duke krijuar një bujë të madhe në botën e boksit.

Motivimi për Joshua nuk qëndron vetëm në aspektin sportiv, por edhe në shifrat milionëshe që mund të shoqërojnë këto përplasje.

Edhe pse nuk ka asnjë informacion zyrtar, vlerësohet se Anthony Joshua mund të fitojë rreth 10 milionë dollarë për luftën kundër Wallin.

Megjithatë, paratë e vërteta do të vinin nëse do të caktohej meçi me Wilder, ku çmimi do të shkonte deri në 40 milionë dollarë plus.

Këto shifra jo vetëm që pasqyrojnë rëndësinë e luftës për Joshuan në aspektin sportiv, por edhe tërheqjen e madhe që ajo gjeneron në aspektin financiar.

Mundësia për të fituar deri në 50 milionë dollarë në këto dy ndeshje është një nxitje e rëndësishme dhe nënvizon pozicionin e Joshuas si një nga yjet më të mirë të boksit në botë.

Por fillimisht ai do të duhet të mposhtë Wallin, për të siguruara pastaj meçe dhe para të rëndësishme. /Telegrafi/