Justin Bieber e kthen mesazhin e dashur të gruas Hailey Bieber në vepër arti

Justin Bieber e befasoi gruan e tij Hailey Baldwin Bieber duke e kthyer në art një mesazh që ajo i dërgoi.

Këngëtari i “Peaches”, 29 vjeç, kontaktoi themeluesit e “Idiot Box”, Emily Bright dhe Tamara Martin për të bërë veprën e artit dhe pagoi 5,000 dollarë, sipas “TMZ”.

Justin, i cili u përball me reagime të ashpra në fillim të kësaj jave për një postim në lidhje me sulmin ndaj Izraelit, ia dha atë themelueses së Rhode Beauty, 26 vjeçe, kur ajo u kthye nga “Java e Modës” në Paris, fundjavën e kaluar, shkruan DailyMail.

Arti ishte tekst i bardhë në një sfond të zi që i ngjante një tabele.

“Më mungon. Më mungon buzeqeshja jote. Më mungon e qeshura jote. Më mungojnë përqafimet e tua. Më mungojne puthjet e tua. Më mungojnë shakatë e tua. Më mungon të bëj dashuri. Më mungon të jem në krahët e tu”, shkruante arti.

Çifti është i martuar prej pesë vitesh dhe janë më të dashuruar se kurrë.

Në një dalje të fundit, këngëtari i hitit “Baby” dhe gruaja e tij modele vendosën të vishen njësoj për një mbrëmje takimi për të parë këngëtaren Victoria Monet në Teatrin “Fonda” në Los Angeles.

Ata të dy kishin veshur xhaketa lëkure të zeza të gjera për spektaklin me Justinin me një palë pantallona të zeza dhe një bluzë të kuqe.

Rrobat e Haileyt ishin të errësuara nga xhaketa, por këmbët e saj të gjata dhe të skalitura ishin në dukje të plotë dhe ajo kishte veshur çorape të bardha me këpucë të zeza. /Telegrafi/