Kamioni i mbushur me eksploziv në Somali u përplas në pikën e kontrollit, vriten 15 persona dhe dhjetëra tjerë të plagosur

Në sulmin me bombë në Somali, kanë humbur jetën të paktën 15 persona, derisa 40 tjerë janë plagosur, kanë bërë të ditur autoritetet e atjeshme, raporton Sky News.

Fotografitë dhe videot e publikuara në rrejtët sociale, shfaq kabinën e djegur të kamionit si dhe tymin e zi duke u ngritur në qiell në vendin ku ka ndodhur sulmi në qytetin Beledweyne në pjesën qendrore të Somalisë, transmeton Telegrafi.

Deri më tani askush nuk e ka marrë përgjegjësinë për sulmin, e as Al Shabab që shpesh kryen sulme dhe që e kontrollon një pjesë të Somalisë.

I extend my deepest sympathies and solidarity to the families, friends, and community affected by the tragic incident in Beledweyne.

Beledweyne Stay Strong pic.twitter.com/eC5x6geapT

— Abdifatah Hassan Omar (@AbdifatHassan) September 23, 2023

Polici Ahmed Aden ka thënë se në mesin e të vdekurve janë pesë policë, që kishin shtënë në kamion në tentim për ta ndaluar dhe të mos i afrohet pikës së kontrollit.

“Kamioni i mbushur me eksploziv dhunshëm është futur në pikën e kontrollit pranë objektit qeveritar, derisa kamioni i përkiste personelit që merren me sigurimin e objektit”, tha dëshmitari Abdikadir Arba, që gjendej vetëm 200 metra larg dhe ishte ndër personat e parë që ndihmoi të plagosurit.

Abdifatah Mohamed Yusuf, drejtori për ndihmë humanitare dhe menaxhimin e katastrofave në Hirshabelle, ka konfirmuar rastin e sulmit.

“20 të plagosurit janë pranuar në spitalin e Beleweyne, derisa 20 tjerë janë në gjendje kritike”, shtoi ai. /Telegrafi/