Kandidati i “BF” nuk fitoi zgjedhjet në Kukës, Gjekmarkaj: Demokratët, të bëhen mendje të ftohta, ta shkëpusin zinxhirin e humbjeve

Teksa në zgjedhjet që u përsëritën në Kukës, fitoi kandidati socialist, Albert Halilaj, vjen një reagim nga deputeti demokrat, Agron Gjekmarkaj.

Ky i fundit i ftuar në rubrikën ‘Opinon’ në News24 deklaroi se humbja e djeshme e kandidatit të ‘Bashkë fitojmë’, Emri Vata nuk ishte e mirë as për demokratët dhe as për PD. Mes të tjerash ai shtoi se demokratët duhet të shndërrohen në mendje të ftohta dhe të shkëpusin zinxhirin e humbjeve.

“E djeshmja nuk ishte e mirë as për PD, as për demokratët. Por të gjithë të shndërrohen në mendje të ftohta dhe demokratët të shkëpusin këtë zinxhir humbjeje.”, tha Gjekmarkaj.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb