Këngëtari legjendar i “Queen”, Freddie Mercury mund të rikthehet në skenë si hologram, 33 vjet pas vdekjes së tij

7 months ago 6

Këngëtari legjendar Freddie Mercury do të rikthehet në skenë, si hologram.

Ylli i ndjerë i “Queen” vdiq në moshën 45-vjeçare në vitin 1991 nga pneumonia bronkiale e shkaktuar nga SIDA.

Por ai mund të performojë përsëri si një rekreacion dixhital i ngjashëm me rezidencën Voyage të ABBA që funksionon në Londër, shkruan DailyMail.

Kompania që menaxhon katalogun të Freddie ka paraqitur një markë tregtare për emrin e tij në realitetin 3D dhe virtual, sipas “The Sun”.

Dokumentet ligjore tregojnë se emri është regjistruar për “përvoja 3D virtuale, të shtuara dhe të përziera të realitetit” dhe “mjedise virtuale”. Marka tregtare mbulon gjithashtu videolojërat.

Vitin e kaluar, kitaristi i “Queen”, Brian May, 76 vjeç, tha për podkastin e Graham Norton Radio Show: “Kemi folur dhe kemi parë, shumë seriozisht, hologramet e Freddie dhe gjëra të tjera.”

“Ne na pëlqen të jemi të gjallë dhe të rrezikshëm, kjo është ajo, ky është theksi ynë.”

“Tani, kur të gjithë ne jemi larguar, po sigurisht, bëni një gjë “ABBA” për ne, por ndërsa jemi këtu unë dua të luaj live. Unë nuk dua të jem hologram, dua të jem unë.”

Ndërsa “Queen” nuk kanë përdorur një hologram të Freddie më parë, ata kanë përdorur pamjet video të tij gjatë performancave të tyre.

Brian tha: “Ne kemi pak gjëra me Freddie-n.”

“Nuk e di nëse ju kujtohet, por unë e bëj “Love of My Life” në përgjithësi dhe Freddie vjen dhe bashkohet me mua në fund kur bëjmë shfaqjet tona live.”

“Por nuk është një hologram, është thjesht një lloj teknologjie e metodës së vjetër që na pëlqen.” /Telegrafi/