Operacioni i sotëm ku u arrestua Ilir Meta! Në total katër masa sigurie, mes tyre dyshohet se 2 janë bashkëpunëtorë

Të tjera detaje janë mësuar në lidhje me arrestimin e sotëm të kreut të Partisë së Lirisë, Ilir Meta.

Gazetari Igli Celmeta raporton për Balkanweb se në total janë lëshuar nga SPAK 4 masa sigurie. Dy masa janë lëshuar për Metën dhe ish-bashkëshorten Monika Kryemadhin. Ndërsa, dy masa të tjera janë lëshuar për dy bashkëpunëtorë të presidentit të Partisë së Lirisë.

Igli Celmeta: Për operacionin e sotëm, ka dy masa sigurie për dy persona, që dyshohet se janë bashkëpunëtorë të Ilir Metës dhe Monika Kryemadhës. Dyshohet se bashkëpunëtorët janë pjesë e Partisë së Lirisë. Janë në total katër masa sigurie. Në Drejtorinë e Policisë ka mbërritur avokati i Metës, Gjokutaj dhe Tedi Blushi. Po kryhen edhe kontrolle banesash, të bashkëpunëtorëve të presidentit të Partisë së Lirisë.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb