1 year ago
18
Presidenti ukrainas Volodymyr Zelensky shkarkoi zyrtarët përgjegjës për rekrutim ushtarak në çdo rajon të vendit, duke përmendur akuzat për korrupsion dhe tradhti.
“Sistemi ushtarak duhet të drejtohen nga njerëz që e dinë saktësisht se çfarë është lufta dhe pse cinizmi e ryshfeti në një kohë lufte është tradhti e lartë. Në vend të kësaj, ushtarët që kanë kaluar në vijën e parë të frontit ose që nuk mund të jenë në gjendje të luftojnë, për shkak të problemeve të shkaktuara nga lufta mund t’u besohet ky sistem rekrutimi”, tha Volodymyr Zelensky.
Kievi ka rekrutuar ukrainasit për batalione sulmi për kundërsulmin e tij ndaj forcave ruse për të rimarrë territorin e kontrolluar nga trupat e Moskës.
Masa pasqyron përpjekjet e Ukrainës për të shtypur korrupsionin, si pjesë e reformave gjithëpërfshirëse të kërkuara nga institucionet perëndimore si Bashkimi Evropian, të cilit Ukraina shpreson t’i bashkohet.
Presidenca ukrainase njoftoi se mobilizimi i përgjithshëm i Ukrainës ishte një fushë kyçe në të cilën inspektorët kishin zbuluar raste të cilat janë në dëm të vendit, tashmë prej më shumë se 17 muajsh në luftë.
Ndër të tjera në deklaratë shtohet se këto raste paraqesin një kërcënim për sigurinë kombëtare të Ukrainës dhe lëkundin besimin në institucionet shtetërore, ndërsa theksohet se për të përcaktuar drejtuesit e rinj duhet të merret parasysh hetimet e gjera dhe përvoja ushtarake.
Top Channel
English (US) ·