10 months ago
47
Një grup studentësh nga Koreja e Jugut vendosën të padisin qeverinë, pasi provimi i pranimit i tyre në kolegj përfundoi 90 sekonda më herët se sa ishte planifikuar, raporton BBC.
Studentët kërkojnë dëmshpërblim prej 15,400 dollarë për person, që në fakt është kostoja e një viti studimi për t’iu nënshtruar sërish provimit pranues.
Ky gabim ka ndikuar në provimet e tjera të tyre, pretendon avokati i tyre, transmeton Telegrafi.
Testi pranues i Koresë së Jugut, i njohur si Suneung, është në fakt një “maratonë” tetë orëshe me provime në lëndë të ndryshme.
Është një nga provimet më të vështira në botë dhe aksionet janë jashtëzakonisht të larta. Ai jo vetëm që përcakton pozicionet dhe vendet e punës në universitet, por edhe marrëdhëniet e ardhshme.
Gjatë aktivitetit vjetor, merren një sërë masash për të ndihmuar studentët të fokusohen, duke përfshirë mbylljen e hapësirës ajrore të vendit dhe vonimin e hapjes së bursës.
Padia u ngrit nga të paktën 39 studentë, të cilët pretendojnë se zilja ra 90 sekonda më herët gjatë një testi të gjuhës koreane në Seul.
Studentët u ankuan menjëherë, por mbikëqyrësit gjithsesi u hoqën testet. Profesorët e vunë re gabimin dhe u dhanë studentëve një minutë e gjysmë shtesë gjatë pushimit të drekës dhe para provimit të radhës, por ata mundën të plotësonin vetëm hapësirat boshe të përgjigjeve, por jo të ndryshonin ato ekzistuese.
Studentët pohojnë se për shkak të këtij incidenti nuk kanë mundur të fokusohen në pjesën tjetër të provimit, dhe disa prej tyre thuhet se kanë hequr dorë dhe kanë shkuar në shtëpi.
Avokati i tyre, Kim Woo-suk, pretendon se zyrtarët e arsimit nuk kanë kërkuar falje. U bë një gabim nga kryembikëqyrësi, i cili bëri që zilja për të përfunduar testin të dëgjohej herët.
Ky nuk është rasti i parë i tillë, pasi zilja ra dy minuta më parë në Seul në vitin 2021 dhe studentët fituan çështjen në gjykatë, si dhe dëmshpërblim prej 5250 dollarësh për person. /Telegrafi/
English (US) ·