Kovacic shkroi historinë pasi fitoi Kupën e Botës për Klube me Man Cityn

Mesfushori kroat i Manchester Cityt, Mateo Kovacic ka arritur një rekord që askush më parë nuk ka qenë në gjendje ta arrijë.

Manchester City fitoi Kupën e Botës për Klube për herë të parë në histori, pasi në finalen e edicionit të sivjetshëm, kampioni i Evropës ka mposhtur Fluminensen me rezultat 4-0.

Ky është titulli i 11-të radhazi për klubet evropiane dhe i 16-ti në total nga 20 të mundshëm.

Kovacic shkroi historinë e futbollit

City shkroi histori duke fituar trofeun e tyre të parë të Kupës së Botës për klube, por lojtari i tyre Kovacic ka shkruar historinë e futbollit në një tjetër aspekt.

Përfaqësuesi kroat u bë lojtari i parë që fiton titullin e kampionit të botës për klube me fanellat e tre klubeve të ndryshme.

Ai më parë e ka fituar këtë garë dy herë si lojtar i Real Madrid (2016, 2017) dhe një herë si lojtar i Chelseat (2021). /Telegrafi/

Mateo Kovačić is the first player to win three Club World Cups with three different teams:

▪️Real Madrid (2016, 2017)
▪️Chelsea (2021)
▪️Manchester City (2023)

🌟 pic.twitter.com/qNhhduatoG

— B/R Football (@brfootball) December 22, 2023