Kryetarja e OSBE-së takon Gjiknurin dhe Alibeajn

“Mirëpresim rifillimin e punës për reformën zgjedhore”

Kryetarja në Detyrë të Prezencës së OSBE-së në Shqipëri, Claris Pastori zhvilloi ditën e sotme një takim me bashkëkryetarët e komisionit të posaçëm për reformën zgjedhore, Damian Gjiknuri dhe Enkelejd Alibeaj.

Përmes një statusi në rrjetet sociale ajo thotë se OSBE mirëpret angazhimin e forcave politike për të rinisur punën për reformën zgjedhore.

“Mirëpres rifillimin e punës përmbajtësore të premten dhe përshpejtimin e saj javët e ardhshme, me ndihmë dhe ekspertizë nga Prezenca e OSBE-së në Shqipëri dhe OSBE/ODIHR”, shkruan drejtuesja e prezencës së OSBE në Tiranë.

Gjithashtu ajo bën të ditur se takimet gjithëpërfshirëse për reformën zgjedhore do t’i vazhdojë edhe në ditët në vijim.

Tv Klan

Të ngjashme