Kukës, vijon numërimi/ Socialisti Albert Halialaj drejt fitores më të thellë se Safet Gjici në 14 Maj

Nga 74 kuti në total, deri më tani janë numëruar 48 kuti, ku kryeson kandidati i PS-së Albert Halilaj me 88294 vota, ndërsa kandidati i propozuar nga koalicioni “Bashkë Fitojmë”, ka siguruar deri më tani 4631 vota.

Socialistët pritet ta thellojnë edhe më shumë këtë rezultat deri në numërimi  e kutisë së fundit. I dërguari Top Channel në Kukës Muhamed Veliu, thotë se procesi numërimit ka nisur rreth orës 23:00 të ditës së djeshme. Numërimi vijon pa ndërprerje, megjithëse lodhja e numëruesve është evidente. Nëse vijohet me të tilla ritme numërimi, pritet përfundimi kutisë së fundit jo përpara orës 12:00 të së hënës.

Emri Vata, kandidati “Bashkë Fitojmë” ka qëndruar në vendin e numrit të votave deri pas mesnatës dhe është larguar, pasi ka kuptuar se rendi i kutive të numërimit nuk ishte në favorin e tij. Bashkë me të janë larguar edhe deputetët e PD të cilët e shoqëronin.

Procesi numërimit nisi me shumë vonesë si pasojë e një numri të madh personash në vendin e numërimit. Është dashur ndërhyrja e policisë për të zbrazur palestrën e më pas ka lejuar vetëm një numër të caktuar vëzhguesish të dy subjekteve politike.

I rrethuar nga mbështetësit e tij Albert Haliaj, është prezent në palestrën e shkollës Lidhja Prizrenit që prej nisjes së numërimit. Drejtoria vendore e policisë Kukës me shumë profesionalizëm përmes një sistemi me numra, ndihmoi në mbarëvajtjen e administrimit të materialeve zgjedhore deri në mbërritje e kutisë së fundit.

Top Channel