1 year ago
11
Lulzim Basha kërkon që kuvendi i datës 2 Shtator 2023 për disa ndryshime statutore në Partinë Demokratike, të regjistrohet në gjykatë.
Sot në Gjykatën Civile është zhvilluar seanca për regjistrimin e këtyre ndryshimeve statutore të bëra nga Basha më 2 Shtator 2023.
Në këtë seancë ishin të thirrur nga gjykata si palë edhe përfaqësues të Këshillit Kombëtar të udhëhequr nga Gazment Bardhi, si dhe përfaqësues i Rithemelimit të Sali Berishës, Çlirim Gjata.
Seanca e sotme u shty për në datë 25 Tetor pasi Çlirim Gjata duhet t’i paraqesë gjykatës prokurë përfaqësimi për palën e udhëhequr nga Sali Berisha.
Në përfundim të seancës së sotme, Gjata tha për gazetarët se kjo është çështje politike dhe jo e gjykatave.
Ndërsa përfaqësuesi i Lulzim Bashës, në përfundim të seancës tha për gazetarët: “Është procedurë rutinore. Ka një përpjekje për ta zvarritur nga aleanca e kullave. Në këto beteja ligjore PD ka triumfuar, do triumfojë dhe këtë radhë”.
/tvklan.al
Të ngjashme
English (US) ·