1 month ago
38
Policia Rrugore ka bërë apel për shoferët dhe për këmbësorët, që të kenë kujdes në rrugë, për shkak të reshjeve të dendura të shiut. Në njoftimin e Policisë Rrugore, thuhet se shoferët duhet të respektojnë rregullat e qarkullimit rrugor, duke treguar kujdes të shtuar.
“APEL PËR MË SHUMË KUJDES!⚠️
Nisur nga moti i keq me reshje të dendura shiu 🌧️, Policia e Shtetit APELON për drejtuesit e automjeteve 🚗, motomjeteve 🏍️ dhe biçikletave 🚴♂️, por edhe gjatë lëvizjes si këmbësorë 🚶♂️ duke kaluar nga njëri kah i rrugës në tjetrin, të tregojnë kujdes të shtuar, duke respektuar me rigorozitet rregullat e qarkullimit rrugor 🛑, pasi rreziku për t’u përfshirë në aksidente rrugore është i madh ⚠️.
Si pasojë e reshjeve të dendura dhe erës së fortë 🌬️, në disa akse rrugore ka prezencë të ujit 💧 dhe inerteve në rrugë 🪨, dhe për këto arsye përdoruesit e rrugës duhet të rrisin vigjilencën sidomos kur janë duke drejtuar automjetet apo motomjetet në kushtet e errësirës ku pamja është e kufizuar.
Me qëllim parandalimin e aksidenteve rrugore 🚔, strukturat e Policisë Rrugore kanë rritur prezencën në të gjithë vendin dhe po përdorin mjetet inteligjente për të parandaluar, konstatuar dhe ndëshkuar shkelësit e rregullave të qarkullimit rrugor, të cilët janë burim rreziku për përfshirje në ngjarje rrugore.
Policia Rrugore apelon për modelim të shpejtësisë 🚗, mos përdorim të aparatit celular 📵 dhe për mos kryerje të parakalimeve të gabuara ⛔. Përdoruesit e rrugës, në rast nevoje, të telefonojnë në numrin pa pagesë 112 📲 dhe shërbimet e Policisë do t’ju vijnë në ndihmë menjëherë 🚓.
#TregoniDurimNeTrafik 🚦
#RespektoniRregullateQarkullimit 🚸
#NdiqniUdhezimetePoliciseRrugore 🚨”, thuhet në njoftim.
(balkanweb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·