Fiton me përmbysje ndaj Leipzig
Java e 18 dhuroi një ndeshje për tifozë me zemër të fortë të Bajern Leverkuzen. Skuadra e Xabi Alonsos fitoi në shtesë kundër Lajpcigut me rezulatin 3-2 në transfertë.
Leverkuseni e gjeti veten dy herë në disavantazh, por barazoi, e në fund festoi triumfin. Për Leipzigun shënuan Xavi Simons në të 7 dhe Louis Opena në të 56’.
Autorë të golave për miqtë ishin Tela në të 47’, Jonathan Tah në të 63’ dhe rrjeten e fitores e realizoi Hincapie në shtesë. Shqiptaro-zvicerani Granit Xhaka ishte në fushë nga minuta e parë.
Me suksesin e arritur, Leverkusen shkon në 48 pikë të grumbulluara, ndërsa Lajpcigu ka 33. Edhe Borussia Dortmund fitoi në transfertë 4-0 ndaj Këlnit. Për verdhezinjtë realizuan Malen dy herë, Fuellkrug dhe Moukoko.
Dortmund shkon në kuotën e 33 pikëve, ndërsa Koln po kalon një moment të vështirë me 11 pikë të grumbulluara. Fitore morën edhe Bohum e Freiburg, ndërsa takimet Darmshtad-Eintraht dhe Haidenhaim-Volsburg u mbyllën në barazim.
Klan News
Të ngjashme