Kërkon ribashkimin me Mourinho
Sulmuesi i Chelsea, Romelu Lukaku i është vetëofruar Romës.
Belgu është i hapur për një rikthim në Serie A, me të ardhmen e tij aktualisht të pasigurt te Çelsi.
Lukaku nuk është pjesë e planeve të Mauricio Poçetino e nuk ka marrë një numër për këtë sezon.
Interesim për 30-vjeçarin ka pasur edhe nga Juventusi, me Interin që hoqi dorë nga ai, pasi e konsideroi të papranueshme bisedimet e lojtarit me rivalët e “Zonjës së Vjetër”.
Por edhe Totenhemi ka shfaqur interesim për Lukakun, pas largimi të Heri Kejnit.
Por “Spërs” nuk janë të gatshëm që ta blejnë përfundimisht futbollistin, e synimi është që ta huazojnë atë.
Sezonin e shkuar belgu e kaloi tek Interi ku shënoi 14 gola në 37 ndeshje.
Por dëshira e tij është rikthimi në Serie A dhe ribashkimi me trajnerin Zhoze Murinjo, me të cilin ka punuar te Mançester Junajtid.
Po edhe “Zonja e Vjetër” nuk ka hequr dorë përfundimisht nga transferimi i futbollistit, me të ardhmen e këtij të fundit në udhëkryq.
Klan News
Të ngjashme