Macron: Çështja e vizave të Kosovës është pezulluar nga Franca, pres që Kurti-Osmani të mbajnë fjalën

Procesi për heqjen e vizave për Kosovën është pezulluar nga Franca pas rritjes së tensioneve në veri para vrasjes së policit dhe mospjesëmarrjes në zgjedhje të komunitetit serb në atë zonë.

Lajmin e bëri të ditur Presidenti francez Macron gjatë vizitës në Tiranë, ku në konferencën për shtyp me Kryeministrin Edi Rama tha se kjo çështje është pezulluar për shkak se fjala e dhënë nuk po mbahet.

“Ne ju kemi besuar për çështjen e vizave, çështja është pezulluar nga ana e Francës sepse ka të bëjë me respektin e fjalës së dhënë dhe fjala nuk po mbahet. Pres që të angazhohen të dyja palët që të ecim përpara në javët e ardhshme, është kushti i paqes në të gjithë zonën”.

Heqja e vizave për qytetarët e Kosovës ishte parashikuar të hynte në fuqi më 1 Janar 2024. /tvklan.al

Të ngjashme