3 months ago
4
Manchester City ka ngritur një padi kundër Ligës Premier për ato që kampionët anglezë pretendojnë se janë rregulla të padrejta që ekzistojnë vetëm për të zvogëluar suksesin e tyre.
Avokatët e Cityt kanë ngritur tashmë një padi prej 165 faqesh dhe seanca do të fillojë të hënën dhe do të zgjasë dy javë.
Mediat angleze shkruajnë se seanca mund të luajë një rol të madh në procesin që po zhvillohet ndaj Cityt për 115 shkelje të Fair Play Financiar të ligës dhe procesi në atë proces nis në nëntor.
City pretendon në padinë e tij se rregullat, të votuara nga rivalët e tyre, janë tirania e shumicës dhe padia synon rregullat që lidhen me marrëveshjet e sponsorizimit.
Kujtojmë se tre vjet më parë, pasi sauditët morën Newcastle United, Liga Premier i ndaloi klubet të rritnin kontratat e sponsorizimit me kompanitë në pronësi të pronarëve të tyre.
🔺 EXCLUSIVE: Manchester City have launched an unprecedented legal action against the Premier League in a move that has sparked civil war in English football’s top flight https://t.co/iCe1SflLbb
— The Times and The Sunday Times (@thetimes) June 4, 2024
Sipas këtyre rregullave, kontratat e sponsorizimit duhet të jenë brenda kuadrit normal të merkatos dhe pikërisht ky është një nga themelet e padisë së Ligës Premier ndaj Cityt.
Kampioni anglez ka katër kontrata të mëdha sponsorizimi me kompani nga Abu Dhabi, të cilat lidhen drejtpërdrejt ose tërthorazi me Sheikh Mansour, pronarin e klubit. /Telegrafi/
English (US) ·