Mehdi Taremi do të jetë lojtar i Interit, por jo në janar  

Përfaqësuesit e sulmuesit të Portos, Mehdi Taremi, u takuan me drejtuesit e Interit këtë mbrëmje dhe ka një marrëveshjeje totale për një transferim në verë mes palëve.

Sulmuesi 31-vjeçar iranian ka hyrë në gjashtë muajt e fundit të kontratës së tij me klubin portugez dhe tani duket se është i vendosur të bashkohet me Nerazzurrët në fund të sezonit.

Verën e kaluar, ai ishte shumë i lidhur me të dy klubet milaneze, por në fund mbeti me Porton.

Taremi ka rënë dakord verbalisht me kushtet e një kontrate me Interin, i gatshëm të nënshkruajë një kontratë dyvjeçare me një opsion për një të tretë me vlerë rreth 3 milionë euro neto në sezon.

Marrëveshja përfshin gjithashtu një bonus nënshkrimi dhe komisione të mundshme për agjentët.

Ndërmjetësit që përfaqësojnë Taremin u takuan me drejtuesit e Interit këtë mbrëmje për të diskutuar më tej transferimin e lirë të sulmuesit në verë.

⚫️🔵🇮🇷 The verbal agreement between Inter and Mehdi Taremi is confirmed and ready, as reported two weeks ago.

Contacts are taking place on daily basis to proceed with the formal steps in the next weeks.

Two year contract, option for further season.

⏳ Free agent deal for June. pic.twitter.com/zdj5N3kOUL

— Fabrizio Romano (@FabrizioRomano) January 24, 2024

Sulmuesi iranian ka shënuar vetëm gjashtë gola dhe ka ofruar katër asistime në 24 paraqitje në të gjitha garat për Porton. /Telegrafi/