Micah Hamilton, mbledhësi i topave që Pep Guardiola dikur e kritikonte, sot shënoi për Man City në Ligën e Kampionëve

Sot ishte një moment që Micah Hamilton nuk do ta harrojë kurrë në jetën e tij. 20-vjeçari jo vetëm që bëri debutimin e tij për Manchester Cityn, por këtë e bëri duke shënuar gol.

Hamilton tregoi lojë fantastike me këmbë në minutën e 19-të përpara se të gjuante në portën ku arriti ta mposht portierin e Crvena Zvezdas për t’i dhënë epërsinë skuadrës së tij (1-0).

Ajo që e bëri golin e tij të famshëm dhe të veçantë është historia pas tij.

🙌 First Manchester City start
⚽️ First Manchester City goal

What a moment for Micah Hamilton ⭐ pic.twitter.com/7dIM5Zgcl1

— LiveScore (@livescore) December 13, 2023

Gjatë një ndeshjeje kundër Crystal Palace, trajner i Man Cityt, Pep Guardiola ishte i pakënaqur me shpejtësinë e lojës së skuadrës së tij dhe i detyroi djemtë e topave që të ishin më të shpejtë.

Ish-trajneri i Barcelonës u pa duke i dhënë “leksion” një prej të rinjve jashtë fushës, duke i inkurajuar ata që të ndihmonin që topi të kthehej në fushë më shpejt.

Micah Hamilton was a Man City ball boy five years ago.

He's now scored a Champions League goal on his debut for the club 🌟 pic.twitter.com/K0B4GLZ4Q2

— ESPN UK (@ESPNUK) December 13, 2023

I riu me të cilin u pa duke folur ishte Hamilton, që sot shënoi gol në moshën 20 vjeçare. /Telegrafi/