Milani ka dalë triumfues nga sfida e javës së 7-të të Serie A duke mundur 2-0 Lazion. Në një ndeshje shumë të luftuar, kuqezinjtë iu falën talentit të Leaos, falë të cilit erdhën dy golat e shënuar nga Pulisiç dhe Okafor.
Pjesa e parë pati një sërë rastesh për të shënuar nga të dyja ekipet, megjithatë u mbyll me porta të paprekura.
Goli i parë i këtij takimi u realizua në minutën e 60’, ku pas asistit të Leaos, Pulisiç e dërgoi topin në rrjetë.
Lazio u përpoq të reagonte por nuk arriti të thyente mbrojtjen e mirëorganizuar të Milanit. Pak para fundit të takimit kuqezinjtë gjetën edhe golin e sigurisë.
Në minutën e 88’ Leao u bë sërish protagonist me një tjetër asist. Portugezi pas një depërtimi në zonë e ktheu topin në qendër ku Okafor u tregua i saktë.
Me këtë fitore të tretë resht në Serie A, Milani kalon në kuotën e 18 pikëve, teksa Lazio renditet në vend të 14-të me 7-të pikë.
Klan News
Të ngjashme