Moti i keq në Tiranë, probleme në qarkullim/ Rritet niveli i lumit Lana

Reshje të shumta shiu në Tiranë. Si pasojë ka një rritje të nivelit të lumit të Lanës, si dhe prani të lartë të ujit në disa nga akset rrugore.

Gazetari i News24, Ergys Gjençaj, bëri të ditur se ka një trafik të rënduar të qarkullimit të mjeteve. Gjençaj tha se problematike situata paraqitet në zonën e Unazës pranë shkollës Vasil Shanto, ndërkohë që kjo situatë vijon edhe përgjatë segmenteve të tjera, në të dy anët e rrugës.

Si pasojë e reshjeve të shiut ka pasur gjithashtu rrugë të bllokuara në zonën e Don Boskos, rrugën e Dibrës, etj.

Ndërkohë ekipet e emergjencave të Bashkisë së Tiranës janë angazhuar në terren për të zhbllokuar rrugët nga uji.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb